Damb motiu dera celebracion deth dia de Magràs, eth Casau deth Jubilat tornèc a organizar ua grana hèsta entà toti es sòns sòcis

Rebrembam qu’era Junta directiua cambièc hè pòc temps, e s’an prepausat hèr d’aguest espaci un lòc d’amassada e a on se practiquen diuèrses activitats, des de cant corau a manualitats, entre d’autes.

Aguesta ei dejà era dusau hèsta tematica en Casau deth Jubilat dempús dera Hèsta de Nadau ambientada en country, que tanben siguec tanben tot un exit d’assisténcia.

Pendent era tarde de dimenge, 11 de hereuèr, toti es assistents ad aguesta celebracion de Magràs podèren gaudir d’ues ores plies de boni moments e rialhes, atau coma d’un gran vrespalh, era actuacion des membres dera corau e un divertit karaoke dubèrt entà que toti poguessen cantar es sues cançons preferides.

Eth Casau deth Jubilat ei un espaci fòrça important entà amassar amics de tota era vida, crear naues amistats, organizar activitats de tot tipe, hèr hèstes e passar boni moments. Ei per aquerò qu’era naua Junta Directiua vò dinamizar mès aguest espaci e aprofitar-lo ath 100%. Quede clar que, de moment, aguestes iniciatiues son tot un exit, e amassen desenes de persones.