Grana acuelhuda dera Hèira d'Abriu de Salardú

16/04/2019

Eth pòble de Salardú acuelhec pendent es dies 12, 13 e 14 d’abriu era prumèra Hèira d’Abriu deth parçan.

Pendent aguesta dimenjada, era Sala Polivalenta de Salardú, ambientada e caracterizada, a compdat damb diuèrses actuacions de coraus, artistes e grops de tota Espanha, espectacles de dança, workshops de sevilhanes, vermouths populars, “verbenes” damb DJ es nets de diuendres e dissabte e tot tipe d’activitats entà tota era familha. Ath delà de minjar tipic, musica e bon ambient es tres dies.

Centenats de persones an passat pera sala polivalenta de Salardú entà gaudir d’ua activitat çò de mès peculiar laguens der encastre deth pòble, mès qu’a compdat damb ua nauta participacion e fòrça bona acuelhuda.

Dempús d’aguesta Hèira, Salardú contunhe aufrint a vesins e visitants un ampli ventalh de possibles activitats damb era celebracion der HestivauPyrenades , centrat ena cultura deth pirineisme en territòri e era prumèra edicion der hestivau musicau A Boca de Net, sons d’Occitània enquiath 20 d’abriu.

Ua Setmana Santa cargada d’activitats çò de mès disparières en Naut Aran.

Clara Villar