Gran èxit deth Mercat Solidari de Sant Joan de Diu en Vielha

04/08/2017

Eth municipi de Vielha e Mijaran torne a mostrar, un còp mès, era grana solidaritat dera sua gent. Pendent es dies 1, 2 e 3 d’agost era fondacion religiosa Sant Joan de Diu installèc ena entrada der Ajuntament un mercat solidari de ròba qu’a estat tot un èxit.

Aguest ei dejà eth dusau còp qu’era fondacion collabòre damb er Ajuntament municipau.

Es beneficis obtengudi en aguesti tres dies anaràn destinadi a diferentes òbres sociaus internacionaus.

Aguesta iniciatiua se some ara rèsta d’activitats solidàries qu’a amiat a tèrme eth consistòri pendent aguest an. Totes eres an estat un èxit gràcies ath gran compromís sociau qu’a mostrat era gent dera Val d’Aran.

Clara Villar