Trincar damb era henedura digitau. Aguest ei eth prinicipau objectiu dera formacion entà majors de 55 ans sus WhatsApp e d’autes aplicacions mobils. Organizat per Càritas, era Fondacion Pere Tarrés e era associacion de gent grana de Vodafone, aguest cors s’a estructurat en dues sessions de dues ores.

Ues classes que s’aluenhen de çò d’abituau, ja que lo mès recomanable ei portar cadun eth sòn mòbil entà trèir eth major profit d’eres.

Entre es beneficis qu’era tecnologia pòt balhar as persones granes se trapen era melhora dera sua qualitat de vida, era ampliacion deth sòn hilat de relacions o er enfortiment dera sua independéncia. Ath delà, era tecnologia tanben ajude a mantier-se mès actius e saludables. Per açò aguesta formacion basica vò trincar es obstacles digitaus damb era gent de mès edat

Era darrèra session d’aguesta formacion de WhatsApp aurà lòc eth dimars 6 de noveme des 10.30 enquias 12.30 ena sedença de Càritas Vielha. Aquiu se i plantejaràn aspèctes mès auançadi dera aplicacion mòbil mès emplegada, com pòt èster adjuntar localizacions o vidèos. Cau arrebrembar que se tracte d’un cors totauments gratuït.