Finalizen es 19au colònies d'ostiu dera AECC ena Val d'Aran

27/07/2018

Era darrèra edicion des colònies d'estiu que cada an organize era Associacion Espanhòla Contra eth Càncer ena Val d'Aran a finalizat damb ua avaloracion excellenta per part des monitors, volontaris e tota era equipa umana implicada.

Enguan, aguestes colònies an celebrat era sua 19au edicion, damb era preséncia d'un centenat de mainatges e mainades d'entre 7 e 17 ans vengudi de diuèrses parts d'Espanha.

Pendent ua setmana, aguesti joens qu'an patit malauties oncologiques, an gaudit deth territòri damb un pialèr d'activitats, coma ràfting, piscina, talhèrs, teatre o excursions...

Damb aguestes colònies, era Associacion Espanhòla Contra eth Càncer cerque qu'es mainatges e mainades aumenten era sua autoestima, favorir era expression des emocions e fomentar valors de tolerància, amistat e respècte.

Ath delà des monitors e volontaris que suenhen pes mainatges, aguestes colònies tanben compden damb ua equipa de professionaus sanitaris coma pedriatres e infermièrs entà garantir era sua salut en tot moment.

Laura Rodríguez