Èxit sense precedents ena estrea de "Pedales de Vida"

11/03/2018

Es joeni aranesi Lucas Casas e Jaime Varela dejà an presentat eth sòn documentau “Pedales de Vida”, a on narren era istòria personau d’aguest prumèr, qui patic un cancer infantiu que superèc gràcies ar espòrt. Ena estrea aconseguiren amplir era sala Era Audiovisuau de Vielha enquiath punt de que i auec persones que s’aueren de quedar dehòra per aforament complèt.

Entre es assistents, un representant dera “Setmana Internacionau dera Montanha” de Gijón, qui les convidec a portar eth cuert ara pròplèu edicion der hestivau.

Eth protagonista d’aguest metratge ei Lucas, mès er èxit a estat compartit damb eth sòn companh Jaime, qui des deth prumèr moment s’impliquèc entà plasmar d’ua forma plan emotiua aguesta istòria.

Non se descarte qu’organizen ua auta projeccion a causa deth naut interès que mostrèren es vesins deuant aguest documentau.

Clara Villar