Es intenses ploges des darrèri dies e eth procès de desgèu pròpi dera epòca an ocasionat qu'eth barranc Margalida, plaçat en municipi de Bossòst, se desbordèsse e se saturèsse. Er Ajuntament de Bossòst, en ua intervencion d'emergéncia, considerèc oportun trincar era estructura de hormigon, que permetie eth pas peth camin, atau coma eth tuèu que canalizaue aguesta aigua. Un hèt qu'a provocat eth talh deth camin reiau que connècte Les e Bossòst.

Un des vesins afectadi dirèctaments, que s'a vist privat ar accès ara sua finca, allegue irresponsabilitats per part de qui prenec era decision de trincar damb aguesta estructura.

Des deth consistòri, se lamente er hèt, e se fondamente qu'ultimaments ja s'i presentauen problèmes damb aguesta infrastructura.

Un problèma que se està gestionant damb rapiditat entà frenar es perjudicis, tant a particulars coma tanben ara enterpresa Endesa, qu'a installacions pera zòna ath servici deth pòble de Bossòst.