Eth nau centre de recuelhuda de residus de Beusa vò daurir un nau modèl de gestion de residus mès sostenible

05/06/2018

Es òbres deth nau centre de recuelhuda de residus de Beusa, plaçat en municipi de Vielha e Mijaran, auancen enquiath punt que ja ei bastit eth 50% deth totau des naues installacions deth complèxe. Aguest nau centre ei orientat a daurir un nau modèl de gestion de residus ena Val d'Aran que fomente era separacion de materiaus ath temps d’auançar ena optimitzacion des còsti per part deth Conselh Generau d'Aran.

S'i a disposat de 7 caishes destinades ara seleccion des diferenti materiaus, coma ua tàs plastics, ua auta tas hèrs o d’auta tara husta.

Ath delà, eth Govèrn d’Aran vò arrebrembar qu’es particulars an un servici gratuït de gestion de residus selectiu tostemp que non se supèren es 500 kg de materiau ath mes.

Segons es tecnics, se gerís un totau de 3.000 tones de residus ar an ena Val d'Aran, e eth balanç ditz qu'en es darrèrs 4 ans era quantitat de materiau reciclat a aumentat entre un 70% e 80%. Ua chifra que s’ademore que sigue en aguesta evolocion creishenta a compdar de seteme, quan se preve era inauguracion d’aguest nau centre de gestion de residus de Beusa.

Laura Rodríguez