Eth Conselh de Bailes dera Val d’Aran aprovarà enes pròplèus quinze dies eth tèxt finau sus er emplec des bòrdes e cabanes preexistentes en país. Aguest ei eth següent pas que s’aurà d’amiar a tèrme dempús dera amassada tecnica que i a agut en Conselh Generau d’Aran damb eth departament d’Urbanisme de Catalonha. D’aguesta manèra, e en tot respectar eth marc qu’establís eth Plan Director Urbanistic dera Val d’Aran, sonque se poderà hèr un emplec ludic-familhau, en tot quedar proïbit er emplec residenciau.

Eth trebalh entà amiar a tèrme eth tèxt definitiu a supausat un totau de 2 ans d’amassades entre tecnics e ajuntaments municipaus deth territòri, qu’a comportat ua reduccion deh document finau de 48 a 20 huelhes.

Eth text mèrque quines an d’èster es caracteristiques finaus qu’an d’auer aguestes bòrdes e cabanes autant per laguens coma per dehòra. Maugrat que se pòden hèr diuèrses modificacions, non se poderà bastir arren que pogue assimilar-les damb ua viuenda.