Eth Conselh Generau d’Aran s’a metut en contacte damb eth departament de Qualitat Ambientau dera Generalitat de Catalonha entà que se pugue amiar a tèrme un informe sus er impacte qu’a ena Val d’Aran era emision des gasi e de tapatge pera circulacion de camions pesats ena Nacionau 230. Aguest informe tractarà era contaminacion acustica actuau entre era Boca Nòrd deth Tunèl de Vielha e era termièra francesa en Pònt de Rei, dempús dera pòca circulacion que i a arrïtz dera proïbicion des camions pesadi a compdar de Saint-Beat.

Des dera Val d’Aran ja hè fòrça ans que se trebalhe ena reduccion deth transpòrt pesat pera Nacionau 230, en tot auer-se proïbit ja era sua circulacion pendent fòrça sasons der an, e quan manque pòc temps entà qu’eth Ministeri de Foment informe sus eth nau projècte de milhora dera circulacion en aguesta via, qu’a de perméter milhorar-ne era seguretat, pr’amor que cada an ei er epicentre de fòrça accidents.