Eth Conselh adjudique es òbres de milhora des accèssi ara Ribèra de Valarties

04/05/2019

Eth Govèrn d’Aran a tornat a adjudicar es òbres de milhora des accèssi ara Ribèra de Valarties ara enterpresa Cervós SA, dempús qu'era prumèra enterpresa adjudicatària, Otxandiano Empresariau SAU, non age pogut complir damb eth contracte assignat.

Es òbres son includides laguens eth projècte de conservacion des accèssi ar auviatge naturau e culturau dera Val d’Aran que desvolòpe eth Conselh Generau damb hons provenenti des projèctes FEDER 2014-2020.

Damb era realizacion d'aguesti trabalhs, amassa damb es accions qu'est an passat amièc a tèrme er Ajuntament de Naut Aran ena madeisha ribèra entà apariar es desperfectes causadi pes aiguats, eth Conselh Generau d’Aran deisharà totauments apraiadi es accèssi ara ribèra de Valarties.

Eth sindic d’Aran,Carlos Barrera, a manifestat qu’eth miei naturau ”ei un recors toristic de prumèr orde entara Val d’Aran pendent fòrça mesi der an, e aguest projècte s’enquadre ena linha de trabalh deth Conselh”.

Er apraiament des pistes forestaus tanben facilitarà er accès as refugis de nauta montanha coma eth de Restanca, Colomers, Saboredo, o es dera Artiga de Lin e Aneto pera ribèra dera Artiga e er itinerari d’accès ath Montlude.

HÒNT: CONSELH GENERAU D'ARAN

Clara Villar