Eth CETEI Val d’Aran participe ena Jornada Internacionau d’Airaus de Carrèra Dual de Sant Cugat

12/06/2019

Eth Centre Especializat de Tecnificacion d'Espòrts d'Iuèrn (CETEI) Val d’Aran a participat aguesta setmana ena Jornada Internacionau d'Airaus de Carrèra Dual, qu'a debanat en Centre de Naut Rendiment (CAR) de Sant Cugat.

Aguestes jornades an apropat projèctes internacionaus d’airaus de carrèra dual qu'an compartit es linhes mès innovadores. Atau madeish, es jornades an servit tà exposar era experiéncia coma Centre de Tecnificacion dera Val d’Aran ena taula redona dera Jornada internacionau, amassa damb d'auti projèctes e professionaus coma: Susana Regüela (CAR-UAB), Albert Busquets (CN Banyoles), Ana Merayo (FCB), Luana Prato (CN Sabadell) e Eduardo Morelló (Villareal CF).

D'auta part, eth CETEI Val d’Aran a signat un convèni de collaboracion damb eth Mastèr de Psicologia der Espòrt e de Naut Rendiment dera Universitat Autonòma de Barcelona (UAB) e INEFC Barcelona, a trauès deth que s'arreceberà era collaboracion des estudiants de fin de mastèr entà poder provedir aspèctes restacadi damb eth supòrt ar esportista pendent era sason 2019-2020.

D'aguesta collaboracion e supòrt se beneficiaràn es seguiments academics e es esportistes de Pre Tecnificacion e de Tecnificacion entà qu’agen er acompanhament de besonh enes transicions esportiues.
Clara Villar