Es eleccions municipaus en Vilamòs

17/05/2019

Eth municipi de Vilamòs, plaçat en terçon de Lairissa a 1255 mètres de nautada, compde damb ua superfícia d’un shinhau mès de 15 km², ei format pes nuclèus de Vilamòs e Era Bordeta e compde damb 159 abitants.

Vilamòs ei considerat eth pòble mès antic dera Val d’Aran e, en an 2017, arrecebec eth prèmi autrejat peth diari Segre ath “Pòble mès polit de Lhèida” damb mès de 50.000 vòts.

Entre es diuèrsi atractius deth municipi trapam era Glèisa de Santa Maria o er Ecomusèu Çò de Joanchiquet.

Des des municipaus de 2015, Ajuntament de Vilamòs ei compausat per cinc còssos: quate de Convergéncia democratica Aranesa (CdA) e un d’Unitat d’Aran (UA).

Er actuau baile, Francisco Castet, se presente enguan ara reeleccion amassa damb ua equipa formada per Mario Criado, Jorge Riera e Manuel Aunós

Pera sua part, UA presente ua candidatura entestada perOriol Sala, que compde tanben damb Carles Llauradó, Maria del Carmen Perailes e Carla Rodriguez

Aguest 26 de mai, enes eleccions municipaus, es vesins e vesies de Vilamòs decidiràn qui vòlen que siguen es sòns representants politics entàs pròplèus quate ans.

Clara Villar