Era velocitat mieja des veïculs que passen per Les, inferior as 50 quilomètres per ora

30/10/2020

En 2019, Les installaue 2 radars pedagogics ena carretèra N-230 en sòn pas peth nuclèu urban. Uns pannèus informatius que indiquen as usatgèrs era velocitat ara que circulen, mès que non sancionen.

Er objectiu ère clar, encoratjar as conductors a redusir era velocitat entà incrementar era seguretat en un tram fòrça utilizat pes pedons. 

Un an mès tard e damb es donades enregistrades pes radars dessús dera taula, des der Ajuntament afirmen era eficacitat d’aguesti dus estruments. 

Des deth consistòri, expliquen, contunharàn en tot  trabalhar ena melhora dera seguretat ena trauèssa, en benefici des vesins e visitants de Les.

Mesures que s’incorporarien as dejà adoptades en municipi, com era reduccion dera velocitat a 30 quilomètres per ora tàs camions que passen per Les.  

Laura Rodríguez