Era Val d'Aran, sedença des dusaues Jornades d'Assegurança e Cultura

11/10/2019

Es Jornades d'Assegurança e Cultura, organizades peth Collègi de Mediadors d'Assegurances de Lhèida an arrancat era sua dusau edicion ena Val d'Aran, e mès concretaments en Parador d’Arties.  

Professionaus deth sector dera madiacion ena assegurança assistiràn pendent dus dies a ponéncies formatives e de reflexion, e tanben coneisheràn mès d'apròp eth nòste país a trauès de visites guidades per lòcs de referéncia.

Entre es tèmes d'analisi se tractarà eth rèpte dera digitalizacion en sector dera mediacion enes assegurances, mès tanben s'aprigondirà ena relacion damb eth client e es rèptes de futur.

Era sedença a on s’estan en tot amiar a tèrme aguestes duasues jornades d’Assegurances e Cultura, eth nòste país, non a a estat escuelhuda de forma casuau.

En aguest sens, era jornada culturau portarà es assistents a visitar eth municipi de Bagergue, a on poderàn gaudir deth Musèu Eth Corrau entà pr'amor de conéisher mès d'apròp era vida tradicionau aranesa. Tanben se visitarà es Uelhs deth Joeu, e era Artiga de Lin.

Laura Rodríguez