Societat
Era Escòla Alejandro Casona de Les acuelh es talhèrs dera Oficina de Joenessa
30/05/2018
Era Escòla Alejandro Casona de Les a acuelhut dus talhèrs organizadi pera Oficina de Joenessa, dirigits a mainatges e mainades per un costat e a pairs, mairs e educadors per d'aute.
Eth prumèr des talhèrs, sus coaching, ac realizèren dus grops d'alumnes de cicle miei e iniciau deth centre. Es talhèrs, d'ua ora de durada, serviren entà trabalhar de manèra dinamica estrategies que permeten as mès petits a arreconéisher e gestionar es emocions. Es dinamiques amiades a tèrme permeteren as mainatges arreconéisher ena sua istòria de vida situacions que les an hèt sénter es emocions basiques (tristesa, paur e alegror), explicar com se senteren e era importància de gestionar aguesta emocion a trauès d'exercicis.
Eth dusau des talhèrs dirigidi a pairs e mairs e tanben a educadors, damb eth títol d'"È vist en Instagram deth tòn hilh que ...", servic tà méter en coneishença des nombrosi assistents qu'ei aguest hilat sociau, es possibilitats qu'aufrís e es estrategies entà trabalhar coma mairs, pairs e educadors damb es joens e es mainatges entà hèr-ne un bon emplec.
Eth prumèr des talhèrs, sus coaching, ac realizèren dus grops d'alumnes de cicle miei e iniciau deth centre. Es talhèrs, d'ua ora de durada, serviren entà trabalhar de manèra dinamica estrategies que permeten as mès petits a arreconéisher e gestionar es emocions. Es dinamiques amiades a tèrme permeteren as mainatges arreconéisher ena sua istòria de vida situacions que les an hèt sénter es emocions basiques (tristesa, paur e alegror), explicar com se senteren e era importància de gestionar aguesta emocion a trauès d'exercicis.
Eth dusau des talhèrs dirigidi a pairs e mairs e tanben a educadors, damb eth títol d'"È vist en Instagram deth tòn hilh que ...", servic tà méter en coneishença des nombrosi assistents qu'ei aguest hilat sociau, es possibilitats qu'aufrís e es estrategies entà trabalhar coma mairs, pairs e educadors damb es joens e es mainatges entà hèr-ne un bon emplec.
Clara Villar