Era Covid-19 hè a suspéner era 30au edicion deth concors Mn. Condò Sambeat

09/06/2020

Ei era estampa qu’an darrèr an dèishe eth concors literari Mn. Condò Sambeat en sòn liurament de prèmis, qu’acostume a èster en junh. Totun, enguan, era 30au edicion d’aguest concors s’a suspenut pr’amor dera crisi dera Covid-19.

Ua decision que tanben a afectat ara 13au edicion deth Concors de Diboish ena Escòla, atau coma tanben ar Hestivau de Teatre ena Escòla.

Eth motiu prinicipau d’aguesta anullacion demore ena arturada dera activitat docenta presenciau, que non a  permetut as alumnes realizar es narracions, poesies e diboishi entath certamen

Aguesta suspension non a afectat ath 20au Prèmi Literari Aran de Literatura, qu’ei eth certamen adreçat entàs adults. Totun, se decidic alongar eth tèrme de presentacion des òbres enquiath 15 de junh. 

En parallel, era entrega de prèmis non s’amiarà a tèrme enquia qu’era situacion provocada peth Coronavirus sigue mès establa.

Laura Rodríguez