Societat
Er Ajuntament de Bossòst e era associacion 4 Pautes signen un convèni entad emparament, eth civisme e eth benestar animau
05/06/2018
Eth baile de Bossòst, Amador Marqués, e era presidenta dera associacion Amics des Animaus 4 Pautes dera Val d’Aran, Judit Nogueras, an signat un convèni entad emparament e eth benestar animau en municipi. Aguest ei eth prumèr acòrd artenhut pera entitat damb ua institucion publica aranesa. D'aguesta manèra, ambdues parts se comprometen a deféner e protegir as animaus domestics e a combàter er abandon e eth mautractament animaus, mejançant campanhes de sensibilizacion e civisme.
Er Ajuntament assumirà es despenses veterinaries e d'acuèlh des animaus abandonadi en municipi enquiara sua adopcion. Era associacion amiarà a tèrme era recuelhuda d'aguesti animaus e collaborarà entà denonciar quin tipe que sigue de mautractament. Ath delà, s'aucuparà dera captura des gats abandonadi, en tot qu'es còsti d'esterilizacion seràn a cargue dera entitat locau.
Ambdues parts promoiràn campanhes de sensibilizacion e de civisme entà informar sus eth compliment des déuers e obligacions basiques dera tenencia d'animaus.
Er Ajuntament assumirà es despenses veterinaries e d'acuèlh des animaus abandonadi en municipi enquiara sua adopcion. Era associacion amiarà a tèrme era recuelhuda d'aguesti animaus e collaborarà entà denonciar quin tipe que sigue de mautractament. Ath delà, s'aucuparà dera captura des gats abandonadi, en tot qu'es còsti d'esterilizacion seràn a cargue dera entitat locau.
Ambdues parts promoiràn campanhes de sensibilizacion e de civisme entà informar sus eth compliment des déuers e obligacions basiques dera tenencia d'animaus.
Laura Rodríguez