Er Ajuntament de Bossòst balharà ua partida de 1.000 èuros ath centre ADDA

10/05/2018

Er Ajuntament de Bossòst a signat un convèni de collaboracion entà dar supòrt economic a ADDA, era associacion de Discapacitats dera Val d’Aran, en tot balhar 1000 èuros entà finançar es activitats que s’amien a tèrme en aguest centre.

Eth centre ADDA, a on i trebalhen ua psicològa e ua educadora, compde ena actualitat damb dètz usatgèrs.

En mes d’octubre, es usatgèrs d’Adda participaràn enes Jòcs Special Olympics que se celebraràn en Andorra. Ua oportunitat tà demostrar es sues capacitats fisiques, que meten en practica damb totes es activitats que desvolòpen.

Perque era sua rialha e eth sòn arregraïment son des majors presents que podem arrecéber en aguesta vida.

Laura Rodríguez