Eth centre ADDA a arrecebut era visita de disparièrs representants dera Òbra Sociau “La Caixa” e eth Conselh Generau d’Aran damb motiu des inversions que realizen entath manteniment e ajudes ara realizacion de diuèrses activitats qu’amien a tèrme ath long der an.

Mès concretament, se signèc un acòrd damb valor de 2.000 euròs procedents dera Òbra Sociau “La Caixa”, entath manteniment deth programa informatic qu’hèn a servir.

Des d’aguesta entitat, reafirmen era sua disposicion a continuar collaborant damb era associacion peth sòn gran trebalh.

Mès d’un 90% deth pressupòst d’aguest centre depen deth Conselh, fòrça comprometut tanben a ajudar en tot çò possible a ADDA.

Ua associacion plan importanta entara Val d’Aran peth gran trebalh que realizen dia a dia damb toti aqueri que i formen part.