Es Mossos d'Esquadra detengueren aguest dimenge a un òme, de 32 ans, vesin de Sant Cugat del Vallès e de nacionalitat espanhòla, coma presomptiu autor d’un delicte de conduccion temerària, atemptat as agents dera autoritat, lesions leugères e resisténcia e desaubediment as agents dera autoritat.

Es hèts passèren ager, ath torn des 3 dera maitiada, en un contraròtle de transit que s’auie montat en punt quilometric 36 dera C-28, en municipi de Naut Aran.
Es agents detectèren un torisme que, en veir era preséncia policèra, s'arturèc uns mètres abans d’arribar e ara seguida contunhèc era marcha.
En observar aguesta maniòbra, es agents indiquèren ath conductor que s’arturèsse.
Eth veïcul redusic era velocitat e, un còp arribèc ena nautor des agents, accelerèc bruscaments. Deuant aguesta reaccion, as agents les calec apartar-se dera trajectòria entà evitar èster atropelhats.

Ara seguida s'inicièc un seguiment deth veïcul escapat enquia qu'artenheren arturar-lo pòc dempús. Immediataments, maugrat era resisténcia, se detenguec ath conductor.

Eth detengut, qu'a antecedents, a passat a disposicion judiciau.