Contunhen es previsions de nhèu

29/01/2019

Era prevision de Meteoaran entà aué ei era d’un maitin damb bromes e clars alternadi e ua tarde damb precipitacions febles damb còta de nhèu entre es 1.200 e es 900 mètres.

A darrèra ora s’intensificarà eth vent damb bohades molt fòrtes e se produsiràn nheuades moderades en totes es còtes, que s’alongaràn pendent tot eth ser. Acumulacions d’un 15 cm en còtes elevades e temperatures entre es -6 e es 5 grads.

Entà deman, se demoren nheuades moderades pendent era maitiada e eth maitin, bohades de vent fòrtes e espesors d’enquia 15 cm. Pera tarde se dauriràn quauqui clars e temperatures entre es -7 e es 5 grads.

Pera sua part, eth Centre de Lauegi d’Aran manten era alèrta fòrta 4 per lauegi dempús dera nhèu recent e es fòrti vents. Entara realizacion d’activitats, mantien era recomanacion d’escuélher terrens de bòsc petits, luenh de zònes de laueg o ben mantenguer-se ena zòna dera estacion.

Clara Villar