Bona acuelhuda dera concentracion de coches classics d' "Era Flower Vielha"

05/08/2018

Damb motiu der hestivau “Era Flower Vielha 2018”, s'a organizat un acte de concentracion de coches classics en Vielha. Ua trentia de jòies automobilistiques s'an amassat en parcatge des militars deth cap-lòc aranés.

Aguesti coches classics, vengudi de Lhèida, an hèt un recorregut per quauqui des pòbles dera Val d'Aran damb mès encant, coma Bossòst o Baqueira.

Aguest acte de veïculs ancians a coïncidit tanben damb un petit concèrt der artista Turkana ena zòna deth mercat Flower, a on s'i an installat un bon ponhat de paradetes de venta de productes de proximitat.

Ath delà d'aguesta concentracion de coches classics, era tresau edicion d' "Era FlowerVielha" tanben compde damb eveniments extraordinaris coma eth Guateque finau damb eth DJ Jordi Carreras en tot acompanhar as residents Almansa e Sebas.

Laura Rodríguez