Grana notícia entath pòble d'Arties. A compdar d'aguesta primauera dejà hè part deth projècte Viles Florides que promò era Confederació d'Horticultura Ornamental de Catalunya (CHOC). D'aguest biais, se reconeish ath pòble d'Arties peth sòn trebalh en çò que tanh ara transformacion des sòns espacis publics a trauès der enjardinament e era milhora des espacis verdi. 

Arties ei dejà eth 3au pòble dera Val d'Aran qu'ac obten, junh damb Bagergue e Canejan-Val de Toran. En Catalonha dejà i a 115 municipis e un totau de 300 larèrs e espacis publics ath long deth territòri catalan. 

Segontes comente eth baile d'Arties, David Torres, "era adesion ath projècte Viles Florides vò incentivar as vesins e hèr-les particeps de qu'ei de besonh suenhar er entorn florau deth pòble e des espacis privats. E, ath delà, a d'èster un incentiu toristic entath nòste pòble".



IMATGE: Visit Arties