Arties compde dejà damb un nau atractiu toristic mès: se tracte d’ua hònt qu’er Ajuntament de Naut Aran a plaçat, precisaments, en carrèr dera Hònt d’Arties. 

Aguest projècte a auut un còst totau de 36.000 èuros, e vò recuperar ua antiga hònt qu’existie abans en aqueth madeish carrèr.

Era simbologia dera Hònt ei çò que mès desvelhe era atencion des coriosi.

Ath delà, eth materiau emplegat entath sòn bastiment ei puraments locau, pr’amor que se tracte de granit blu dera cantèra de Les.

De moment semble qu’ era naua hònt a fòrça bona acuelhuda per part de toti es vesins e tanben des visitants qu’aguesti dies an decidit dar un torn per Arties.