Aran Park barre era sason damb 46.000 visitants

06/11/2019

Eth parc de fauna sauvatja Aran Park a barrat era sason en tot arténher ues chifres similares as der an anterior: 46.000 persones an passat peth centre des deth mes d’abriu.

Coma ei abituau, Espanha e França se mantien coma es paisi que mès visitants apòrten.

Ath delà, un viatge barrada era sason, eth parc de fauna sauvatja començarà a trabalhar en naui projèctes de cara ara sason que ven.

Pendent era passada sason, eth naishement de dus petit lops grisi se convertic en eth gran atractiu d’Aran Park. 

Actuauments, Aran Park, que se trape en pòrt deth Portilhon, en Bossòst, compde damb 140 animaus de 15 espècies diferentes. Era prevision ei qu’eth centre de fauna sauvatja torne a daurir es sues pòrtes ath public a principis d'abriu deth pròplèu an.
Laura Rodríguez