8 esquiadors deth CEVA seleccionadi tara dusau fasa de Copa Espanha

27/02/2019

Eth Club CEVA a artenhut un nau èxit damb era organizacion dera XXI edicion deth Trofèu Memoriau Montse Corominas, a on era dimenjada deth 22 ath 24 d'hereuèr participèren mès de 150 esquiaires.

Cau destacar es boni resultats artenhudi pes esportistes deth CEVA enes dus dies de competicion.

Era carrèra servic entà acabar de decidir era seleccion des participaires dera dusau fasa de Copa Espanha. En cas deth CEVA an estat 8 es corredors seleccionadi:
 

  • Isabella González.
  • Andrea Rodríguez.
  • Víctor Bultó.
  • Sete Cubillo.
  • Nico Meire.
  • Eugenia Brotons.
  • Guille Meire.
  • Hugo Soler-Duffo.

Ena naua edicion deth Trofèu Montse Corominas Lliga Catalana U14, Isabella González Barot artenhec pujar ath pòdium damb era 3au posicion en SL U14 dames deth dissabte, qu'Andrea Rodríguez Elosegui acabèc ena 10au posicion.

Eth dimenge, en Gigant U14, Isabella González acabèc en 5au posicion e era sua companha Andrea Rodríguez acabèc en 9au posicion.

Pera sua part, Nicolás Meire García acabèc 5au e Alfonso Cubillo Goytre 6au en Slalom U14 masculin disputat eth
 dissabte. En Gigant deth dimenge Nicolás Meire siguec 7au.

Es melhors resultats dera dimenjada entath CEVA arribèren dera man des U12 deth club en 11au Trofèu GER U12 de Boí damb es victòries de Margarita Brotons Batista e d'Ignacio Ibarbia Urlezaga en Gigant. Cau destacar tanben era 5au posicion de Diego Arriola Andoaga e era 10au d'Erika Ferret Pérez ena madeisha competicion.

En çò que tanh ara rèsta de competicions dera dimenjada enes qu'an participat es corredors e corredores deth Club CEVA, cau hèr mencion ara 3au posicion artenhuda per Aran Clotet, compausanta deth CETEI Val d’Aran en Slalom des Campionats d'Espanha sub 18, atau coma Dani Larriu deth Club CEVA e tanben deth CETEI Val d’Aran qu’artenhec era 3au posicion en SL sub 18 masculin.

Pera sua part, Gaizka Loiola e eth sòn guida Dani Gavaldà deth CEVA s'aucèren damb era 3au plaça deth pòdium en Slalom de Alto Campoo. En aguest sens cau destacar que Gaizka a estat apartat gaireben tres ans dera nauta competicion pes lesions, atau qu'aguest resultat li anime a seguir en tot préner confidança entàs pròplèus pròves.

IMATGES: CEVA/ Fototur
Clara Villar