Visita deth COE ara Val d'Aran abantes de Pyeongchang 2018

28/01/2018

A pògui dies de dar començament as JJJ.OO de Pyeongchang 2018 era Val d'Aran aurà eth plaser d'acuélher a ua vintea de membres deth Comitat Olimpic Espanhòl (COE) pendent es dies 29 e 31 de gèr.

En aguesta visita i seràn presents, entre d'auti, eth president dera RFEDI e membre deth Comitat Executiu deth COE, May Peus, e eth secretari generau der Espòrt dera Generalitat, Gerard Figueras.

Dimars, dia 30 de gèr, es membres deth COE se desplaçaràn enquiara estacion de Baqueira Beret a on, ath delà de visitar es installacions, mantieràn ua amassada damb es compausants deth CETEI (Centre de Tecnificacion d'Espòrts d'Iuèrn dera Val d’Aran), acompanhadi peth Vicesindic d’Aran, Luís Carlos Medina.

Aquera madeisha tarde eth Sindic d’Aran, Carlos Barrera, aufrirà ua recepcion oficiau as representants deth COE ena sedença deth Conselh Generau d’Aran, que se desplaçaràn dempús entath pòble d'Unha en tot visitar eth Musèu dera Nhèu, a on s'amiarà a tèrme un acte de reconeishement as esportistes olimpics aranesi.
Clara Villar