Visita dera Société Ramond ara Val d'Aran

04/11/2017

Era passada dimenjada ua quarantia de membres dera Société Ramond de Banhères de Bigòrra poderen conéisher de prumèra man es principaus installacions culturaus dera Val d'Aran.

Era Societé Ramond ei ua reconeishuda associacion culturau de fòrça prestigi, neishuda en 1865 damb era mission de velhar per estudi interdisciplinar des Pirenèus. D’entre es nombrosi qu'an realizat subergessen eth butletin Explorations pyrénéennes o era creacion der observatòri deth Pic du Midi.

Ath delà, compden damb era collaboracion de Maurice Gourdon, celèbre pireneïsta que documentèc era Val d’Aran a finaus deth sègle XIX. 
 
Era associacion visitèc eth patrimòni de Vilamòs: er Ecomusèu Çò de Joanchiquet, er antic lauader, era glèisa de Santa Maria, eth herrador de shivaus e eth horn de caudia. Aguest itinerari siguec guidat peth cap de cultura e patrimòni deth Conselh, Jèp de Montoya e era directora deth Musèu dera Val d'Aran, Carla del Valle. 

Tanben podèren visitar es glèises de Santa Maria d’Arties e Sant Andrèu de Salardú, dera man dera tecnica de patrimòni deth Conselh Generau d'Aran, Elisa Ros; glèises d’origina arquitectonica romanica que conjugue damb formules pictoriques renaishentistes de grana qualitat, e eth Musèu dera Val d’Aran e era glèisa de Sant Miquèu de Vielha.

IMATGES: CONSELH GENERAU D'ARAN
Clara Villar