Pendent aguesta setmana se desplaçaràn ara Val d’Aran quauqui responsables dera enterpresa Tracsa, acompanhadi d’un foncionari dera Confederacion Idrografica der Ebre (CHE) entà decidir era melhor solucion tecnica de consolidacion e canalizacion dera afectacion que se produsic eth passat 11 de mai ena ribèra deth Valarties e qu'actuauments genère era torbulencia der aigua en arriu Garona en tram des d’Arties enquiara termièra francesa.

Aguesta visita ei consequéncia der escrit qu’eth Sindic d’Aran, Carlos Barrera, envièc a Maria Dolores Pascual, presidenta dera CHE, autoritat idraulica deth Garona, eth passat dia 27 d’agost, a on s’informaue ara Confederacion dera grèu afectacion que patís er arriu Garona e era fauna icticola coma conseqüéncia dera aportacion de materiaus provinenti d’aguest esbauçament.

Entath Govèrn d’Aran aguest ei un ahèr de maxima prioritat pera afectacion ecologica qu’aguesta turbelhada produsís ena Garona. 

IMATGE: CONSELH GENERAU D'ARAN