Vilac artenh eth prèmi especiau ara Milhor Participacion Ciutadana en Viles Florides

25/10/2018

Estonadi. Atau ei com se quedèren toti es vesins de Vilac quan des deth concors Viles Florides les comuniquèren qu’auien artenhut un des prèmis especiaus: eth premi ara Milhor Participacion Ciutadana.

Tot començèc quan Vilac volec participar ena darrèra edicion de Viles Florides, mès es membres organizadors dideren qu’eth termini entà inscriuer-se ja auie finalizat e non poderie èster possible. Mès çò de mès estonant siguec qu’aguesta decision non arturèc pas era illusion de Vilac entà plantar flors e caracterizar toti es sòns carrèrs.

A prinicipis de junhsèga es jutges de Viles Florides visitèren Canejan, Arties e Bagergue, es pòbles participaires en Viles Florides. E, de pas, pugèren tanben a Vilac, tot e qu’eth pòble non s’i podec inscríuer en concors. E aquera visita deuec shautar fòrça as jutges, ja que les balhèren un des prèmis especiaus.

Aguest prèmi l’an guanhat totes es vesies e vesins de Vilac, que pleï de illusion e alegria non an dobtat en plantar e cuedar tota sòrta de flors. E non sonque aquerò, senon que tanben heren manualitats com marietes, parpalhòles e gahusi.

Damb era alegria encara ena pèth, Vilac dejà s’a mercat inscriuer-se damb anticipacion ara pròplèu edicion de Viles Florides, entà no hèr tard un aute viatge.

Un rèpte qu’es vesins e vesies de Vilac ja vòlen començar a premanir entà portar ath sòn estimat pòble ara maxima puntuacion de Viles Florides.

Laura Rodríguez