Er Ajuntament de Vielha e Mijaran a aprovat era prorròga des convènis annaus qu'eth consistòri manten damb es desparières associacions municipaus.

D'aguesta forma, s'esten un an mès era collaboracion deth consistòri damb es entitats deth municipi relacionades damb er espòrt, era musica, era cultura, era joenessa, es servicis sociaus, er ensenhament e era cooperacion entre d'auti airaus.

“Es desparières associacions qu'auem en Vielha e Mijaran son fòrça importantes entath desvolopament de fòrça activitats enes diuèrsi airaus sociaus deth municipi e ajuden ena implicacion dera ciutadania. Per açò, des der Ajuntament credem qu'ei de besonh contunhar en tot mantier aguesta collaboracion damb eres, entà que poguen amiar a tèrme era sua activitat damb normalitat”, explique eth baile de Vielha e Mijaran, Juan Antonio Serrano.

Aguesti convènis son laguens dera Ordenança Municipau reguladora de subvencions, auràn ua vigéncia d'un an e es parts poderàn acordar, pendent era vigéncia deth convèni, era sua prorròga entà futurs exercicis.

IMATGE: AJUNTAMENT DE VIELHA E MIJARAN