Romanic Musicau ena glèisa de Santa Eulàlia de Unha damb eth Trio Bax

16/08/2019

Coma cada diuendres pendent eth mes d’agost, arribe ua naua visita e concèrt deth cicle d’ostiu deth Romanic Musicau, organizat peth Conselh Generau d’Aran eFoment Torisme Val d’Aran, damb era collaboracion der Archiprestat dera Val d’Aran. Aué, tàs 22 ores, era glèisa Santa Eulàlia de Unha acuelherà aguesta serada culturau amenizada pera musica deth Trio Bax.

Aguest acte començarà damb era projeccion d’un vidèo, realizat damb era ajuda dera istoriana Elisa Rosa, que conten era descripcion e contextualizacion dera glèisa, ua explicacion que servís entà facilitar informacion sus eth pas deth temps e coma a afectat ath monument e eth sòn entorn.

A continuacion, aurà lòc eth concèrt aufrit peth Trio Bax, format per Roberto Casadoara flaüta, Carlos Seco ara viòla e Francesca di Nicola ar arpa

Eth sòn programa tà aguesta net includís es següentes pèces:

  • Arie e danze tedesche tà flaüta, viòla e arpa, G. L. Tocchi
  • Trio elegiaco tà flaüta, viòla e arpa, A. Bax
  • Petite Suite tà flaüta, viòla e arpa, A. Jolivet
  • Trio tà flaüta, viòla e arpa, H. Genzmer
HÒNT: CONSELH GENERAU D'ARAN
Laura Rodríguez