Presentacion oficiau dera Val d'Aran by UTMB®

06/09/2019

Era Val d'Aran ja se trape en tot premanir çò que de segur se convertirà en er eveniment esportiu deth 2020: era ultramaraton de montanha per antonomàsia, era UTMB arribarà en Pirenèu aranés. Peth moment,  ja s’a dat eth trèt de gessuda as sues presentacions oficiaus.

Es dies que cau mercar en calendari son eth 3,4 e 5 de junhsèga deth 2020: aquera serà era dimenjada en qu’era Val se convertirà en amfitriona deth cincau eveniment deth circuit UTMB internacionau. Ua pròva que darà as finishers eth pas dirècte entara corsa UTMB Mont-Blanc de Chamonix.

Atau s'a explicat ara prumèra presentacion oficiau qu'a debanat en Vielha. Un acte que s'a profitat entà explicar es granes oportunitats qu'un eveniment d'aguesta envergadura pòt aufrir ath país.

Un fenomèn que se somarie ath rèpte dera desestacionalizacion deth torisme qu'era Val d’Aran ja hè ans que s'a mercat.

Maugrat qu'encara demoren mesi pera arribada dera UTMB Val d'Aran, peth moment, çò que ja s'a desvelat son es tres recorreguts que s'aufriràn.

Es inscripcions dera UTMB Val d'Aran se dauriràn eth pròplèu 7 d'octobre ena web oficiau. Totun, ja se hè ua crida tà reclutar eth major nombre de volontaris possible, tà ajudar, atau, a hèr realitat aguest sòn esportiu en Aran.

Laura Rodríguez