Naut Aran apròve era modificacion deth pressupòst per valor d'1.055.000€

15/03/2018

Eth romanent de tresaureria se place en 2.132.000€, des quaus 575.000€ son tara modificacion deth pressupòst

Er ajuntament de naut Aran a aprovat era modificacion deth pressupòst municipau d’enguan, avalorada en 1.055.000€. Aguesta modificacion proven per ua part deth romanent de tresaureria, damb 575.000€ e 480.000€ dirigits ath canon de sanejament, pera depuradora de Naut Aran. Era prepausa a compdat damb es vòts a favor deth govèrn de Convergéncia Democratica Aranesa, e era abstencion  dera oposicion d’Unitat d’Aran e eth PRAG.

Ath delà, s’invertiràn 20.000€ entà actiuetats extraescolars, 5.000€ entà assegurances d’accidents e tà ramadèrs, atau coma lèu 300.000 € entà engodronar diuèrsi carrèrs de Salardú e de Garòs. Eth romanent de tresaureria actuau se mantierà en 1,5 milions d’èuros apruprètz dempús d’aguesta modificacion deth pressupòst.

Manu Moga