Eth Plen der Ajuntament de Naut Aran ja a aprovat es pressupòsti de 2018, qu’enguan ascendissen a lèu 6 milions d’euròs e se centren, especiauments en 3 ambits: eth sociau, damb ua partida entà tornar eth còst des licéncies d’òbres as vesins, 50.000 euròs d’ajudes as estudiants e 25.000 as Associacions de Mairs e Pairs. Eth  naturau e ecologic, damb 170.000 euròs d’inversion entà netejar arrius, camins e pistes forestaus. E er ambit locau, damb ua partida importanta destinada as entitats municipaus descentralizades (EMD).

Era oposicion sonque votèc en còntra d’un des punts d’aguest pressupòst, e siguec eth dera partida entà pagar es sòus des còssi der Ajuntament.

Uns pressupòsti laguens des quaus s'includís tanben eth canon anuau que pague Baqueira ath consistòri, qu’enguan supère eth milion 200.000 euròs, era meitat des quaus se destinarà a milhores e d’autes inversions en Salardú.