Juan Antonio Serrano, eth baile de Vielha, s’a presentat coma candidat d’Unitat d’Aran entà tornar a encapçalar era lista en Ajuntament de Vielha e Mijaran ena pròplèu legislatura.  

Atau se comuniquèc en acte de presentacion deth partit, que compdèc damb era preséncia deth deputat provinciau e candidat a sindic per Unitat d’Aran, Paco Boya, que dèc supòrt ad aguesta candidatura.

Era equipa, segontes era direccion deth partit, non patirie cambis importants entad aguesta naua legislatura.

Ath delà, tot e que encara non se a hèt public eth programa electorau d’Unitat d’Aran entara alcaldia der Ajuntament de Vielha e Mijaran, Serrano parlèc d’un projècte clar de futur premanit entàs pròplèus ans.

Tanplan, en acte s’aprofitèc entà presentar eth balanç des darrèri 4 ans, en tot mostrar es accions mès importantes amiades a tèrme per Unitat d’Aran en aguesta darrèra legislatura.