Iniciada era vacunacion contra eth Coronavirus ena Val d'Aran

08/01/2021

Ère un dia fòrça demorat, e fin finau a arribat. Aué s’a iniciat eth plan de vacunacion contra eth Coronavirus ena Val d’Aran.

Atau, ath torn de 200 persones, entre eres 42 residents e usatgèrs deth centre de dia dera Residéncia Sant Antòni, an recebut era prumèra dòsi dera vacuna de Pfizer, qu’a estat administrada per personau sanitari deth pròpri Departament de Salut dera Generalitat, que s’a desplaçat enquia Aran.

Demús d’aguesta prumèra dòsi dera vacuna, ei previst administrar-ne era dusau en ues tres setmanes, apuprètz. 

Des deth govèrn aranés instissen ena importancia de no confidar-se e contunhar en tot mantier es mesures de prevencion dauant era malautia. 

Seguint eth plan establit era vacuna a d’arribar a tota era poblacion de manèra progressiva en diuèrses etapes. 

HÒNT: CONSELH GENERAU D'ARAN

Laura Rodríguez