Es eleccions municipaus en Canejan

16/05/2019

Plaçat en terçon de Quate Lòcs, e ena magica Val de Toran, que se trape eth municipi de Canejan. Damb pòc mès de 80 persones, ei un des mens abitadi deth nòste país.

A ua extension de 48 quilomètres quarradi e ua nautada de 906 mètres. En çò que tanh as sues tradicions, suberges era celebracion des Barbacans, tradicion recuperada en 2004 qu’antigaments mercaue eth desvelhar dera primauera e deth bestiar.

Aguesta hèsta amasse a toti es vesins deth pòble, que se vestissen damb es pèths e es còrnes tipiques.

Ath delà, era hèsta major de Canejan se celèbre eth 29 d’agost.

Enes pròplèus eleccions es vesins de Canejan son cridadi as urnes entà escuélher baile e dus còssos entàs pròplèus 4 ans. Enes darrères eleccions, sigueren 5 es còssos entà escuélher, mès era despoblacion qu’a patit Canejan pendent es darrèri ans a ocasionat qu’enguan baishen a 3 es còssos a escuélher.

Arrebrembam que enes eleccions de 2015 eth grop politic d’Unitat d’Aran artenhec toti 5 còssos.

Enguan, era actuau baile, Juan Carlos Lastera, que dejà pòrte 24 ans dirigint eth consistòri, se presente ara reeleccion. Jesús Escots e Bernadeta Redonets se presenten coma dusuau e tresaua ena lista d’Unitat d’Aran.

Pera sua part, CDA, que non artenhec cap còsso ena passada legislatura, apòste per Jose Seisdedos coma candidat.

Ara tòque demorar enquiath 26 de mai tà saber qu’ei çò qu’es abitants de Canejan decidissen.
Laura Rodríguez