Eth darrèr plen extraordinari celebrat en Ajuntament de Vielha e Mijaran a estat protagonizat pera impossibilitat d'aprovar era naua nòrma reguladora des abitatges d'emplec toristic a causa dera abstencion d'un membre deth madeish govèrn. Entà amiar entà deuant aguest tipe de nòrma s'auie de besonh era majoria absoluta, hèt que non a arribat, donques que s'i an enregistrat 6 vòts en favor, 4 eth contra e 2 abstencions.

Aguesta prepausa qu'eth baile de Vielha e Mijaran apiejaue se basaue a limitar er autrejament de licéncies d'emplec toristic solament as abitatges unifamilhaus.

Des dera oposicion an aplaudit qu'era prepausa non proliferèsse.

Un aute ahèr que se tractèc ei eth dera pista de gèu deth palai, barrada des de junh a causa d’ua grèu pana. En aguest sens, des der Ajuntament se vò auançar damb ua solucion provisionau que serie era cession d’ua pista de gèu per part der Ajuntament de Barcelona.

A banda d'açò, aguest plen extraordinari a aprovat ua Ordenança Municipau qu'establís qu'es naui locaus musicaus nocturni auràn de plaçar-se dehòra des zònes residenciaus.