Era Comission Bilaterau formalize eth convèni de finançament d'Aran

22/03/2019

Aué en Palau dera Generalitat s'a formalizat eth convèni de finançament d'Aran enes tèrmes aprovadi pendent era amassada deth conselh executiu dera Generalitat celebrat eth passat 11 de març ena sedença deth Conselh Generau d’Aran.

Era signatura deth convèni per part dera conselhèra de Presidéncia, Elsa Artadi, e eth sindic d’Aran, Carlos Barrera, s'a realizat pendent era amassada dera Comission Bilaterau entre eth Govèrn dera Generalitat e eth Conselh Generau celebrada aué.

Per ua auta part, eth secretari generau deth Departament d'Interior, Brauli Duart, informèc ara Comission der acòrd institucionau d'ampliament dera dotacion economica peth traspàs dera competéncia deth Servici de Pompièrs e Emergéncies d’Aran. Ena pròplèu Comission Bilaterau se formalizarà era aprobacion d'aguest acòrd, damb era volontat que sigue efectiu pendent eth pròplèu mes d'abriu.

Es negociacions der acòrd s'an esperlongat pendent es darrèri tres ans pera situacion politica de Catalonha.
Clara Villar