Er incendi forestau d'Arties e Gessa, estabilizat

08/01/2019

Er incendi forestau d'Arties e Gessa dejà ei controlat e se cre que s'es condicions meteorologiques acompanhen, lèu se pogue dar per extinguit. Maugrat qu'era tarde deth deluns ua soca damb huec hèc a alugar un flanc, pendent era net era situacion evolocinèc favorablaments.

Eth flanc dret, enes montanhes de Gessa, ja se trape estabilitzat. E eth flanc esquèr se pòrte tà naut dera montanha per arrasons de seguretat e demorarà confinat enquiath sòn escandilhament.

Er escandilhament deth huec s’està accelerant, pr'amor qu'eth cambi de temps que se demoraue semble qu'arribarà tard e se tem qu'arribe abantes eth vent qu'era nhèu.

30 efectius damb 15 dotacions e 2 elicoptèrs contunhen en tot trabalhar entà amortar eth huec tan lèu coma se poga.

Totun, segons es darrères estimacions, s'aurien cremat mès de 200 ectares de peishius.

En referéncia ara origina deth huec, es mossos d'esquadra dauriràn ua investigacion entà balhar respones.

Laura Rodríguez