Er Archiu Generau d'Aran a organizat un talhèr de lectura de documents antics

13/06/2018

Er Archiu Generau d’Aran, plaçat en Arròs, a acuelhut un talhèr de lectura de documents antics damb motiu dera celebracion deth dia internacionau des archius. Ua activitat ara que i assistiren 14 persones que se mostrèren plan interessades en apréner més sus es antigues costums dera nòsta Val.

Tanplan, eth 2018 represente un an important entar Archiu Generau d’Aran, pr’amor que se commemòre era celebracion deth 20au aniversari.

Rebrembam qu’er Archiu sauve documents de naut valor istoric, coma era Querimònia, qu’ei era carta magna autrejada en 1313 per Jaume II a on se i arremassen es drets e costums dera Val d’Aran. Er Archiu Generau d’Aran tanben atresòre antics libres de capitols de viles, a on se arremassen es ordenances des pòbles aranesi

Eth pròpleu 7 de noveme se celebrarà de forma oficiau eth vintau aniversari der archiu generau d’Aran, mès pendent aguesti mesi se i organizaràn mès activitats.

Laura Rodríguez