"En Aran tanben votèrem" acte en commemoracion ar 1-O

02/10/2018

En commemoracion ath referendum d’autodeterminacion de Catalonha celebrat ara hè un an, era associacion Taula per Aran organizèc er acte “En Aran tanben votèrem”, entà rebrembar es hèts deth passat 1 d’octubre.

Er eveniment compdèc damb mès de 100 assistents, qu'escriueren es sues demanes ath govèrn e les depausèren dempús en ua urna coma acte de revindicacion democratica.

D’aqueth 1 d’octubre de 2017, mès enlà dera pòur o era tension, aqueri qu’i sigueren presents en Aran, destaquen es valors deth pòble.

Un aniversari d’aqueth referendum qu’acabèc damb es presents entonant es imnes aranés e catalan, atau coma demanant era libertat des presoèrs politics.

Clara Villar