Dus naus atacs d'os ena poblacion de Betlan

04/05/2018

Segontes es Agents de Miei Ambient deth Conselh Generau d’Aran, pendent es darrèri dies s'an produsit dus naus atacs d'os ena poblacion de Betlan, en ua finca protegida damb pastor electrics, mès concretament.

Entre era net de dimèrcles a dijaus se produsic eth prumèr, a on er os aucic ua oelha, e era net de dijaus a diuendres un mardan

Cride era atencion qu'aguesti atacs agen estat tant pròplèus ara poblacion, dejà qu'era finca a on s’an produsit mèrque eth limit deth pòble damb era rèsta de prats.

Aguestes mòrts prenen ua especiau importància, donques demòstren qu'era proximitat a nuclèus damb persones non representen cap inconvenient de persuasion ara ora de produsir-se un atac.

Es agents an documentat era existéncia de peades e an arrecuelhut excrements ath torn des oelhes mòrtes, e an installat camères entà poder fotografiar er os en cas que torne en aguest madeish cornèr.

IMATGES: CONSELH GENERAU D'ARAN
Clara Villar