Eth Conselh Generau d’Aran damb era collaboracion de Pompièrs e Emergéncies d’Aran e eth Centre de Prediccion de Lauegi, a organizat un cors de formacion sus SVB (Supòrt Vitau Basic) e DEA (Desfibrilador d'Emergéncia Automatica) dirigit as guardes des refugis dera Val d’Aran.

Eth cors, que se realize pendent dus dies ena Aula de Formacion deth Parc de Pompièrs de Vielha e Mijaran, a estat inaugurat peth sindic d’Aran Carlos Barrera.

Eth cors a dues parts plan diferenciades, donques per ua part s'aufrís formacion sus era utilizacion des desfibriladors a cargue deth GRM des Pompièrs d’Aran, e era auta, a cargue de Jordi Gavaldà deth Centre de Prediccion de Lauegi deth Conselh Generau d’Aran sus rescats de nhèu e lauegi en montanha.

Eth cors de formacion ei eth prumèr pas abans dera installacion de desfibriladors per part deth Conselh Generau d’Aran enes refugis de montanha dera Val d’Aran.

Per d'auta part, eth GRM des Pompièrs d’Aran tanben an realizat ua jornada de practica sus verificacions de rescat damb era grua der elicoptèr.

HÒNT: CONSELH GENERAU D'ARAN