Eth Conselh Generau d’Aran a renauit es convènis damb er Institut d’Aran e es disparières escòles d’educacion infantil e primària deth país entath finançament deth transpòrt des activitats que realizen es centres a d’auti pòbles aranesi o ben dehòra deth territòri, coma gessudes a musèus, teatres o visites a universitats, entre d’autes.

Enguan se recupère eth percentatge que s’auec de retalhar hè uns ans a causa dera situacion economica, en tot incrementar aguesta dotacion a un 20%, eth 15% deth quau anarà destinat a finançar eth transpòrt des activitats des alumnes dera Val d'Aran e era rèsta finançarà es viatges deth Centre de Recorsi Pedagogics (CRP) ara Nauta Ribagorça e es Palhars damb motiu des exposicions des Trebalhs de Recerca des alumnes de Bachillerat.

Aguest increment permeterà as familhes des alumnes non auer de hèr granes aportacions economiques entà qu’es sòns hilhs e hilhes poguen realizar aguest tipe d’activitats.

Es escòles Alejandro Casona e Sant Ròc arreceberàn 2.811 euròs cadua; era ZER Val d’Aran arreceberàn 5.060 euròs;  er Institut d’Aran e era Escòla Garona 8.993 euròs cadun e eth CRP 1.246 euròs.