Er ajuntament de Bossòst a aprovat es pressupòsti municipaus d’enguan avaloradi en 1.086.440€. Aguesta quantitat supause ua prevision iniciau limitada pera regla de despena e que sonque contemple es inversions damb subvencions confirmades. D’aguesta manèra, cau restacar eth hèt qu’es inversions s’an triplicat respècte as compdes der an 2017, en tot supausar un totau de 140.000€ entara milhora des servicis e equipaments publics.

Ei previst realizar òbres ena carretèra direccion tà Arres en Camin dera Lana, atau coma era milhora deth subministrament e contròtle deth servici d’aigua potabla e era consolidacion des roeïnes deth castèth de Soala de Casteràs. Ath delà, cau remercar, qu’er ajuntament tanben a aprovat era congelacion des impòsti.

Es pressupòsti d’enguan, an estat aprovadi damb es vòts favorables deth govèrn municipau d’Unitat d’Aran e damb era abstencion dera oposicion de Convergéncia Democratica Aranesa.