Bausen cedís era sua linha de baisha tension a Endesa

28/02/2018

Er Ajuntament de Bausen ja a signat eth convèni damb Endesa Distribucion peth quau se cedís ara enterpresa era proprietat dera linha de baisha tension deth pòble, qu’enquiara auie estat proprietat deth madeish consistòri.

Hè lèu 10 ans qu’era facturacion arribaue a nom der Ajuntament, e gràcies a aguest acòrd, se poirà començar a regularizar era atipica situacion que viu eth municipi en relacion damb era energia electrica.

Eth consistòri se lhèue un important pes deth dessús, aguest ère un rèpte qu’era bailessa se prepausèc ar inici dera legislatura entà qu’es sòns vesins e vesies non auessen de patir mès per aguesta situacion, qu’encara non ei deth tot solucionada, mès ena quau se contunharà trebalhant.

Clara Villar