Baqueria/Beret dejà s’a acomiadat un an mès dera sason d’iuèrn en tot enregistrar chifres fòrça positives: 876.000 esquiaires ena estacion d'esquí pendent es sues 143 jornades en foncionament.

Tot e qu’aguest inici de tempsada non siguec bon, gràcies as nheuades de finaus de gèr e d’hereuèr, es expectatives iniciaus s’an mès que superat.

En çò que tanh ara passada Setmana Santa, Baqueira/Beret arrecebec 48.000 esquiaires. Ath delà, se gaudic de 112 km de pistes daurides e ues còtes de nhèu entre es 85 e 165 cm.

Ua Setmana Santa, tot sigue dit, ben especiau, ja qu’enguan a queigut dejà ben entrada era primauera, a finaus d’abriu.

Un aute des ahèrs des que pòt presumir Baqueira/Beret ei eth d’arribar cada viatge mès ath client estrangèr.

S’a notat especiauments un increment important enes esquiaires vengudi deth Regne Unit. E tanben destaquen mercats que dejà s’an impactat, coma ei eth suec e eth japonés, qu’enguan mos an visitat gràcies a un touroperador.

Damb aguesti boni resultats, era estacion ja comence a premanir era pròplèu tempsada.